untuk apak..

pak..

jarang kito berjumpo selalu..sojak apak kojo kek klantan, sminggu duo baru apak balik jonguk..itupun kalo takdo apoinmen ngan doktor, baru ado maso ngan ese..bilo apak takdo, teraso sket sbanyak susah eh nak jago hati semuo orang kek umah ni..ngan omak, adik laie..pastu ngan kojo, stadi..ado gak time ese raso tensen bilo masalah datang, kusut, raso cam sosak napeh pun ado..

bilo se pikir balik, baru se soda apo yang apak kono buek..ngan kojo apak laie, ngan adik, ngan omak, se pun samo..cam raso bsalah pun ado bilo teringat balik apo yang se cakap, se buek kat apak..

se tau apak dah bagi memacam kek se, apak rilek yo bilo tau se menago, siap pau sebatang duo bilo apak sosak nak nyalokan dapur..bilo apak tau se tongah sosak, ado kojo nak slosai, apak kasi advance sket, tolak ansur sket..

tapi se tak buek bondo yg samo kek apak, se buek bondo ikut kepalo se sendiri..kluar menonong, tak pikir apo pun, lupo apo yg apak, omak posan..pastu bilo apak marah, se bising..tapi apak takdo nk tangankan se pun..apak totap cool walaupun muko apak dah merah dek monahan marah..

apak slalu tokankan duo bondo yo, kepentingan ngan tanggungjawab..yang lelain apak pocayo den bulih blaja kek luar, ngan kengkawan se..blaja dari dunio macam apo yang apak dah blaja dulu..apak cukup marah kalo se abaikan duo bondo nih..tapi duo bondo ni yang akan membawo bahgio kek se..se tau sobab apo yang apak cakap slalunyo boto dan jadik..

kalo nk banding ngan apak, tahap se masih jauh..sumpah demi tuhan kalo den blaja ikut cikgu, blaja dari pongalaman, memang se tak bulih sontuh langsung tahap apak..walaupun se raso dah banyak improvement, tapi bilo ngan apak semuo tak jadik..apak gak yg tolong save the day..tapi apak jarang amik kredit..apak kato blaja, blaja dari pongalaman, dari pemerhatian, dari kogagalan..kalo tak kito tak tau mano jalan kito patut amik, kito patut elak..

jadi bilo aritu apak bising-bising, se marah cam slalu..tapi bilo se sodar, se jadi sayu..apak nk buekkan diri se bia jadi anak yang baik, insan yang berguno, yang orang bulih pcayo..bukan tin kosong yang cakap yo begogar, tapi takdo apo..

jadi se akan cubo apo yg se tdayo untuk jadi macam mano yang apak harapkan..sebagai tando ponghargaan, se dedicatekan posting ni untuk apak..dan bia pun se jarang cakap direct, kek sini se britau semuo..

se sayang apak..

dan jugak ucapan untuk apak buek first time..

Happy Father's Day..